Isekeshev apattyq jaǵdaıda bolǵan mekteptiń ornyna salynǵan jańa mektepte boldy
ASTANA. QazAqparat - Búgin Bilim kúni elordada №26 mektep-gımnazııasy ashyldy. Saltanatty sharaǵa Astana ákimi Áset Isekeshev kelip qatysty.
Ákimshilik atynan Áset Isekeshev oqýshylar men ata-analardy, ustazdardy Bilim kúnimen quttyqtady.
«Bıyl jańadan alty mektep ashyldy. Olardyń ishinde ekeýi - jalǵastyra salynǵan ǵımarat bolsa, tórteýi - jańa mektep. Sonyń biri - senderdiki. Osy aýdanda jańa bilim ordasy boı kóterýi biz úshin mańyzdy, oqýshylar jańa ári qazirgi zamanǵy mektepte bilim alady», - dedi ol.
Ákim quttyqtaýynan soń, mektep aldynda dástúr boıynsha alǵashqy qońyraý soǵylyp, merekelik kontsert ótkizildi.
Aıta keteıik, Konstıtýtsııa kóshesinde ornalasqan mektep bastaýysh 1-4 synyptarǵa ǵana arnalǵan bolatyn. 2013 jyly ol apattyq jaǵdaıda turǵan mektep dep tanyldy. Eski mekteptiń ornyna jańa ǵımarat turǵyzylyp, oǵan «mektep-gımnazııa» mártebesi berildi.
Aıta keteıik, búgin Astanada alǵashqy qońyraý 95 mektepte soǵylady. Elordalyq mektepterge 129 myń oqýshy sabaqqa barady. Olardyń ishinde 21 myń balaqaı mektep tabaldyryǵyn alǵash ret attaıdy. 
