Isekeshev 2017 jylǵy ákimdik úshin ózekti máselelerdi atady
ASTANA. QazAqparat - Astana ákimi Áset Isekeshev elorda ákimdigi 2017 jyly nemen aınalysatynyn aıtty.
«Ákimdik úshin 2017 jyly júıeli qoǵamdyq kólik - basymdyqqa ıe máselelerdiń biri bolady. Men aldynda ýáde etkendeı, qańtarda osy salany odan ári damytý boıynsha, qoǵamdyq tyńdaý ótkizemiz»,-dep jazdy ol óziniń Facebook-tegi paraqshasynda.
«Alaıda, aınalada bolyp jatqan oqıǵalar men qala turǵyndarynyń kóptegen ótinishteri eń ózekti degen máselelerdiń biri kommýnaldyq qyzmettermen baılanysty ekendigin kórsetti. Osyǵan baılanysty aldaǵy ýaqytta kommýnaldyq qyzmetterdiń basshylarynyń, máslıhat depýtattarynyń, qoǵamdyq keńes ókilderiniń qatysýymen osy máseleni talqyǵa salmaqpyz. Bolashaqta olar turǵyndardyń aldynda ózderiniń mindettemelerin tımidi atqarýlary kerek. Munda biraz máseleler bar»,-dep jazdy.
