Isataı blogyn QazMunaıGaz ben «Enı» kompanııasy birge ıgeredi

ASTANA. QazAqparat - QR Energetıka mınıstrligi, «Enı» kompanııasy jáne «QazMunaıGaz» UK» AQ Kaspıı teńizinde ornalasqan Isataı blogynda kómirsýtegin barlaý men óndirýge jer qoınaýyn paıdalaný quqyǵynyń 50 paıyzyn «Enıge» berý týraly kelisimge qol qoıdy, dep habarlaıdy QazAqparat mınıstrliktiń baspasóz qyzmetine silteme jasap.

«Aldyn-ala baǵalaýǵa sáıkes kómirsýteginiń aıtarlyqtaı qory bar lıtsenzııalyq aýmaqta operatsııalyq qyzmetti «Enı» (50%) jáne «QazMunaıGaz» UK» AQ (50%) birlesip qurǵan «Isataı Opereıtıng Kompanı» kompanııasy júzege asyrady. Atalǵan mámileni jasasý Kaspıı shelfindegi kúrdeli tehnıkalyq jáne ekologııalyq jaǵdaıda jumys júrgizýde úlken tájirıbesi bar, geologııalyq barlaýdaǵy álemdik kóshbasshy «Enı» kompanııasynyń ozyq tehnologııalaryn paıdalanatyn jańa operatsııalyq kompanııa qyzmetiniń bastamasyn bildiredi», delingen habarlamada.

Kelisim nátıjesinde «Enı» kompanııasynyń Qazaqstandaǵy qyzmet salasy keńeıedi, sondaı-aq «QazMunaıGaz» UK» AQ-nyń negizgi áriptesimen strategııalyq yntymaqtastyq nyǵaıady.

Aıta knterligi, Qazaqstanda «Enı» kompanııasy Qarashyǵanaq ken ornynyń birlesken operatory (úlestik qatysýy - 29,25%), sondaı-aq Qashaǵan iri ken ornyn (úlestik qatysýy - 16,81%) qosa alǵanda, Soltústik Kaspııdegi birneshe jobanyń qatysýshysy.