Isataı aýdanynda Táýelsizdik monýmenti ashyldy
Táýelsizdik monýmenti Isataı aýdanynyń ortalyǵy – Aqqystaý aýylynda boı kótergen.
Monýmenttiń bıiktigi – 16, uzyndyǵy men eni – 6,5 metr. Onyń munarasynda qazaq halqynyń kıeli shańyraǵy, onyń janynda ushyp júrgen qustar beınelengen.
«Monýment – tarıhı-tanymdyq mańyzy zor nysan. Munaranyń bıigine kıeli shańyraǵymyzdyń ornatylýynyń astarynda Táýelsizdigimiz máńgilik bolsyn degen ıdeıa bar. Táýelsizdigimiz baıandy bolsa, elimiz de eńseli bolady», - dedi monýmenttiń ashylýyna qatysqan oblys ákiminiń orynbasary Narıman Taýshov.
Munaranyń artqy jaǵynda bıiktigi – 5, uzyndyǵy – 7, eni – 1,10 metrlik 3 kolonnaǵa releft-músinder ornatylǵan. Onda Tuńǵysh Prezıdent – Elbasy Nursultan Nazarbaevtyń ant berý sáti men elimizdiń 30 jyldaǵy jetistikteri kórinis tapqan.
Eske sala ketelik, buǵan deıin Táýelsizdik jyldarynda Atyraý oblysynda 12 mln sharshy metr turǵyn úı paıdalanýǵa berilgenin jazǵan edik.
