Isa (ǵ.s.) paıǵambar rólin musylman jigiti somdaıdy
ASTANA. QazAqparat - National Geographic álemdik telearnasy túsirip jatqan «Isanyń (ǵ.s.) ólimi» atty kınonyń basty keıipkerine musylman jigit tańdaldy. Alaıda, bul tańdaý synshylar tarapynan kekesinge toly kóptegen pikirlerdiń týyndaýyna jol ashty, dep habarlady www.muslim.kz.
Al, Haaz Súleıman esimdi musylman jigiti: «Bizder Isanyń (ǵ.s.) da Alla Taǵala Elshisi ekenine kúmánsiz senip, ony qurmetteımiz. Alaıda, ony kóptegen jandar bile bermeıdi», - deıdi. «Musylman januıasynda er jetken men úshin Isa (ǵ.s.) paıǵambar rólin somdaý - úlken qurmet".
Al, óz atyna aıtylyp jatqan synǵa Súleıman bylaı dep jaýap qaıtardy: «Men Isa (ǵ.s.) úshin jaýap qaıtara almaımyn, biraq onyń sózin mysalǵa keltirgim keledi. Jaqynyńdy ózińnen artyq jaqsy kór!».
Súleıman ózine osy ról buıyrǵanyn estigende alǵash anasyna qońyraý shalyp, ruqsat suraǵanyn jetkizdi.
