Isa Aqberbaev Olımpıadada Qazaqstandy «altynsyz» qaldyrǵan reseılik boksshymen aıqasady

NUR-SULTAN. QazAqparat – Qazaqstandyq kásipqoı boksshy Isa Aqberbaev (20-0, 15KO) 2 qarasha kúni Ekaterınbýrgta (Reseı) Evgenıı Tışenkomen (5-0, 3KO) WBO tıtýly úshin aıqasady, dep habarlaıdy QazAqparat tilshisi.

«Qazaqstan kásipqoı boksy» federatsııasynan málim etkendeı, Isanyń qarsylasy Evgenıı Tışenko – 2016 jylǵy Rıo Olımpıadasynyń chempıony. Dál osy boksshymen Rıoda qazaqstandyq Vasılıı Levıt fınalda kezdesip, Tışenko kúmándi jeńisimen eline oralǵan bolatyn.

Aqberbaev-Tışenko jekpe-jeginde birinshi aýyr salmaqtaǵy WBO Intercontinental tıtýly sarapqa salynady. Aıqas on raýndqa eseptelgen.

Aıta ketsek, Isa Aqberbaev sońǵy aıqasyn 2017 jyldyń jeltoqsan aıynda ótkizgen bolatyn. Ol kezdesýinde boksshy Kıevte Bosnııa men Gertsegovınadan kelgen Mırnes Denadıchten (12-12-2, 6KO) basym túsken edi. Aqberbaev bir jyldary Abel Sanchestiń zalynda Gennadıı Golovkınmen bir komandada jattyqqan.

⠀