Isa Aqberbaev ekinshi mınýtta qarsylasyn nokaýtqa jiberdi - VIDEO
ASTANA. QazAqparat - Qazaqstandyq boksshy Isa Aqberbaev kásibı rıngte 14-shi jeńisine qol jetkizdi, dep habarlady Vesti.kz.
Birinshi aýyr salmaqta IBO Intercontinental nusqasy boıynsha chempıonnyń qarsylasy Belarýs eliniń ókili Igor Karavaev boldy. Ol jerlesimizge nebary 1 mınýt 23 sekýnd ýaqyt qana tótep berip, birinshi raýndta-aq nokaýtqa tústi.
Osylaısha, 31 jastaǵy qazaqstandyq boksshy kásibı rıngte 14-shi ret jeńis tuǵyrynan kórindi. Onyń on kezdesýin boksshymyz merziminen buryn aıaqtaǵan. Igor Karavaev úshin bul 14 kezdesýdegi segizinshi jeńilis boldy. Ol alty ret jeńiske qol jetkizgen.
