"IRv6 hattamasyna kóshý" trenıngi qoǵamǵa qozǵaý salady dep oılaımyz - Borıs Japarov
ALMATY. 20 shilde. QazAqparat /Erlik Erjanuly/ - Dúnıejúzi ınternettiń IRv6 hattamasyna daıyndyq jasap jatyr. Bul búgin Almatyda ótip jatqan "IRv6 hattamasyna kóshý" trenınginde aıtyldy.
"Aqparattyq tehnologııa salasyndaǵy jańalyqtar úlken jyldamdyqpen júrip jatyr. Biz ony der kezinde baıqap, qajetti tujyrymdamalar jasaı alsaq qana utamyz. Qazir dúnıejúzi ınternettiń IRv6 hattamasyna daıyndyq jasap jatyr", - deıdi Qazaqstannyń Ǵylym-bilim kompıýterlik jelilerin qoldanýshylar qaýymdastyǵynyń (KazRENA) Bas dırektory Borıs Japarov.
Onyń aıtýynsha, sol sebepti olar Qanysh Sátbaev atyndaǵy ulttyq tehnıkalyq ýnıversıtetpen birlesip 3 kúndik arnaıy trenıng ótkizýde. Ol elimizde ınternettiń IRv6 hattamasyna kóshý máselesin kóterýge túrtki bolady dep úmittenip otyr. Oǵan joǵary oqý oryndary men "Qazaqtelekom" AQ-nyń qyzmetkerleri shaqyrylǵan. Onda búkilálemdik ǵalamtordy qurýshylardyń biri sanalatyn, Londonnyń ýnıversıtettik kolledjiniń professory Pıter Kırshtaın jáne ıAnos Mohoshı, Pırs O Hanlon sııaqty halyqaralyq sarapshylar dáris júrgizbek. Ony tyńdaýshylar keıin jattyqtyrýshy retinde bul jerde alǵan bilimin ózgelerge úıretedi dep josparlanýda.
