«IRNA» basshysy: QazAqparattyń uly ultqa 100 jyl qyzmet etýi – úlken jetistik
«QazAqparat» Halyqaralyq aqparat agenttiginiń basqarma tóraǵasy Asqar Ýmarov myrzany, QazAqparattyń basshylaryn, redaktorlaryn, jýrnalısteri men basqa da qyzmetkerlerin «IRNA»-daǵy áriptesteriniń atynan agenttiktiń qurylǵanyna 100 jyl tolý merekesimen quttyqtaımyz.
Uly ultqa 100 jyl qyzmet etý – bul úlken jetistik.
Sońǵy jyldary «IRNA» men «QazAqparat» agenttikteri arasynda tyǵyz kásibı qarym-qatynas ornady.
«IRNA» «QazAqparat» agenttigi uıymdastyrǵan, sonyń ishinde Naýryz merekesine arnalǵan birneshe fotokórme men onlaın-fotogalereıalarǵa belsendi túrde qatysty. Biz bir-birimizben ıdeıa, tájirıbe jańalyqtar men aqparat almastyq.
Ortaq mádenı murasy jáne óńirdegi ortaq múddeleri bar eki baýyrlas halyq bolǵandyqtan, Iran men Qazaqstan arasynda osyndaı baılanys qalyptasty.
Bıylǵy jyldyń basynda biz Prezıdent Q.Toqaevtyń «Abaı jáne HHІ ǵasyrdaǵy Qazaqstan» atty maqalasyn jarııaladyq.
Shilde aıynyń basynda keıbir batystyq BAQ Qazaqstandaǵy COVID-19-ǵa qatysty jalǵan jańalyqtar men ádiletsiz saraptamalar jarııalaǵan kezde, «IRNA» Qazaqstannyń pandemııamen kúres jónindegi tıimdi sharalary týraly maqala usyndy.
Al osydan birneshe kún buryn ırandyqtar men qazaqtar qurmettep, jaqsy kóretin – uly fılosof jáne ǵalym Ábý Nasyr ál-Farabı týraly qazaqstandyq professordyń maqalasyn jarııaladyq.
«IRNA» men «QazAqparat» sondaı-aq Azııa-Tynyq muhıty óńiriniń aqparat agenttikteriniń uıymy (OANA) aıasyndaǵy yntymaqtastyqty damytýda.
Bolashaqta eki agenttiktiń qarym-qatynasy odan ári jaqsarady dep senemin.
Sizderdi taǵy da «QazAqparattyń» qurylǵanyna 100 jyl tolýymen quttyqtaı otyryp, zor densaýlyq jáne tabys tileımin!», - delingen quttyqtaýda.
