«Irma» daýyly saldarynan Maıamı ortalyǵyn sý basty
ASTANA. QazAqparat - Tropıkalyq «Irma» daýyly saldarynan Florıda shtatyndaǵy Maıamı qalasynyń birqatar aýdandaryn sý basyp qaldy, dep habarlaıdy bbc.com.
Qazirgi ýaqytta ózimen birge nóser jaýyn men sý tasqynyn ala kelgen daýyl shtattyń batys jaǵalaýlaryna jetti. Grınvıch boıynsha saǵat 22:00-ge qaraı daýyl deńgeıi ekinshi, birneshe saǵattardan keıin úshinshi deńgeıge tómendedi. Jeldiń jyldamdyǵy saǵatyna 175 kılometrge jetti.
Maıamıdiń qarjylyq aýdany Brıkelldi sý basty, ondaǵy sý deńgeıi shamamen 60 santımetrge jetti. Qalanyń kóp kósheleri ózenge aınaldy. Mıllıonnan astam turǵyn úıler elektr jaryǵynsyz qaldy. Buǵan deıin shtat bıligi shamamen 6,3 mıllıon turǵyndardyń ómirlerine qaýip tóngendigin eskertip, olardy evakýatsııalaý jóninde buıryq bergen bolatyn.
Buǵan deıin «Irma» daýyly Karıb jaǵalaýy elderine aıtarlyqtaı shyǵyn ákelip, 27 adam qaza tapqan edi.
AQSh vıtse-prezıdenti Maık Pens prezıdent Donald Tramptyń Florıda jaǵalaýyndaǵy daýyl qozǵalysyna alańdaýshylyq bildirip, óz qadaǵalaýyna alǵandyǵyn málimdegen bolatyn.
