«Irma» daýyly saldarynan 6 adam qaza tapty
ASTANA. QazAqparat - Karıb teńiziniń soltústik jaǵyndaǵy Sen-Marten aralynda alty adam «Irma» daýylynyń qurbany boldy, dep habarlaıdy TASS agenttigi.
«Bul iri tabıǵı apat, araldyń 95 paıyzy oırandaldy. Bolǵan jaıdan bárimiz abdyrap qaldyq», - dedi jergilikti keńes basshysy.
Sen-Marten aralynyń soltústik bóligi Frantsııaǵa, ońtústigi (Sınt-Martın dep atalatyn) - Nıderlandyǵa tıesili. Araldyń frantsııalyq bóliginde shamamen 37 myń adam, gollandııalyq bóliginde - 40 myń adam turady. Ońtústik bóliginde qaza bolǵandar men araldyń búlinýi jaıly ázirge aqparat joq.
