Irma daýyly: Kýbadan 700 adam qaýipsiz aımaqqa kóshirildi
ASTANA. QazAqparat - Irma daýylynan zardap shegýi múmkin Kýbanyń shyǵys aýdandarynan 700 adam evakýatsııalandy, dep habarlady búgin korrespondent.net.
Jergilikti BAQ ókilderiniń habarlaýynsha, adamdardy týystary men 45 evakýatsııalyq ortalyqtarǵa jáne 39 arnaıy oryndarǵa ornalastyrýda.
Osy kezde Kýbanyń keıbir aýdandarynda nóser jańbyr jaýyp tur jáne sonyń saldarynan jaǵalaýǵa jaqyn aımaqtardy sý basýda. Jańbyrmen qatar aımaqta qýatty jel soǵýda.
Osyǵan deıin Irma daýylynyń jaqyndaǵandyǵyn baıqatqan tropıkalyq jel Kýbanyń shyǵysyndaǵy Gýantanamo, Olgın jáne Las-Týnas provıntsııalaryna soqty.
Kýbanyń azamattyq qorǵanys qyzmetiniń bas shtaby Gýantanamo, Santıago-de-Kýba, Granma, Las-Týnas, Kamagýeı, Sego-de-Avıla jáne Vılıa-Klara sııaqty eldiń ortalyq jáne shyǵys provıntsııalarynda dabyl rejımin engizdi.
Bul rejım talaptary boıynsha, qaýipti aımaqtardan adamdardy kóshirip, kólik qozǵalysyna shekteý qoıylyp, qaýipsizdik úshin elektr jelileri isten shyǵarylady.
Kýbanyń batys bóliginde ornalasqan Sanktı-Spırıtýs, Senfýegos jáne Matansas sııaqty provıntsııalarynda tabıǵat apaty boıynsha «aqparattandyrý deńgeıi» engizildi. Ol boıynsha apat tóne qalǵan jaǵdaıda boı tasalaıtyn oryndar qarastyrylyp, kósheler tazalanyp, azyq-túlik pen janarmaı qory daıyndalady.
