«Irma» daýyly qıratqan zoobaqtaǵy janýarlardy brakonerler urlap ketken
ASTANA. QazAqparat - Karıb teńizindegi Sen-Marten aralyndaǵy haıýanattar baǵyn "Irma" daýyly qıratyp ketkennen soń tonaýshylar ondaǵan janýardy urlap ketken.
Bul týraly Daily Mail habarlady.
Daýyl saldarynan kóptegen janýarlar mert bolǵan, al keıbirin brakonerler qoldy etken. Zoobaq jumysshysynyń aıtýynsha, sırek kezdesetin kesirtke qatty qoryqqannan mert bolǵan. Іri totyqustardyń biri óziniń torynan qashyp shyǵyp, kaımannyń azyǵyna aınalǵan. Budan bólek, qoltyraýyn birneshe qoıandy jep qoıǵan.
Araldyń jergilikti turǵyndary Karıb basseınindegi iri zzobaqtardyń birin qalpyna keltirýge kómektesip jatyr. 100-ge jýyq otbasy shaǵyn janýarlardy ýaqytsha úılerine qaldyrýǵa kelisken.
1991 jyly ashylǵan zoobaqta 300-den astam janýar tirshilik etken. «Irma» daýyly saldarynan ol tolyqtaı qıraǵan. Zoobaq hatshysy Melanı Shýazıdiń aıtýynsha, ony qalpyna keltirý múmkin emes.
