«Irma» daýyly Florıdaǵa jetti
ASTANA. QazAqparat - Tórtinshi dárejeli «Irma» daýyly Florıda shtatynyń ońtústik shyǵys bóligine jetti. Shtattyń barlyq 67 okrýginde tótenshe jaǵdaı jarııalandy, dep jazdy búgin utro.ru.
Amerıkanyń daýyldardy baqylaý ulttyq ortalyǵynyń derekteri boıynsha, «Irmanyń» oshaǵyndaǵy jeldiń jyldamdyǵy 96,1 metr/sekýndqa jetti. Daýyl Florıdanyń ishki aýmaǵyna sekýndyna 5,8 metr jyldamdyqpen ketip barady.
Alǵashqy soqqyny 80 myńnan astam turǵyny bar Florıda-Kıs arhıpelagy aldy.
Reuters agenttiginiń málimetteri boıynsha, onda bolǵan jol-kólik apatynan er azamat qaıtys boldy. Ol resmı túrde «Irma» daýylynyń alǵashqy qurbany bolyp jarııalanýy múmkin.
Buǵan qosa osy kezde 650 sharýashylyq nysany elektr qýatynsyz qaldy.
