«Irma» daýyly eki rekord jańartty
ASTANA. QazAqparat - Jel 37 saǵat boıy saǵatyna 298 kılometr jyldamdyqpen soqqan.
"Irma" tropıktik daýyly ǵalymdar tirkegen eń uzaqqa sozylǵan daýyl boldy. Bul jaıly AQSh Ulttyq qoǵamdyq radıosy Kolorado shtaty ýnıversıtetiniń ǵalymdaryna silteme jasap málimdegen.
«Munshalyqty uzaq ýaqyt boıy qýatty qarqynmen soqqan daýyl buǵan deıin tirkelmegen»,- deıdi Kolorado ýnıversıtetiniń ǵalymy Fıl Klotsbek.
AQSh-tyń Daýyldy eskertý ulttyq ortalyǵy bul aqparatty rastaǵan.
Aıta keteıik, ótken jeksenbide Irma daýyly Florıda shtatynyń qurlyq bóligine soǵyp, jaǵalaýǵa jaqyn mańda teńiz tolqyndary 4,5 metrge deıin jetken, dep habarlaıdy Korrespondent.net.
Daýyldyń saldarynan nóser jaıyn jaýyp, sý tasqyndary bolǵan. Tabıǵı apattan birneshe ondaǵan adam qurban boldy.
