Irlandııanyń derevnıasyndaǵy jalǵyz bankomat urlandy
ASTANA. Qańtardyń 19-y. QazAqparat - Belgisiz tonaýshylar Irlandııanyń Krossmaglen derevnıasyndaǵy polıtsııa ýchaskesinen birneshe metr jerde ornalasqan bankomatty urlap ketti. Qoldy bolǵan bankomat osy derevnıadaǵy jalǵyz bankomat bolatyn,
dep habarlaıdy QazAqparat Lenta.rý saıtyna silteme jasap.
Qylmyskerler ekskavatordy aıdap ákelip, onyń kómegimen bankomatty qabyrǵadan julyp alǵan. Odan keıin olar polıtseılerdiń birden izderine túspeýi úshin joldy aýyl sharýashylyǵy tehnıkasymen bitep tastaıdy jáne boı tasalap úlgeredi.
Polıtsııa ókilderi qylmystyń óte jaqsy uıymdastyrylǵanyn málimdedi. Qazirgi ýaqytta Soltústik Irlandııada bankomattardy urlaýmen aınalysatyn qaraqshylar áreket etedi. Olar 2009 jyldyń naýryzynan beri 23 tonaý áreketi jasaǵan.
