Irlandııanyń eń jas premer-mınıstri qyzmetinen ketedi
ASTANA. KAZINFORM – Irlandııa premer-mınıstri Leo Varadkar bıleýshi partııa jetekshisi qyzmetinen ketetinin málimdedi. Fıne Gel partııasynyń jańa kóshbasshysy saılanǵannan keıin ol úkimet basshysy qyzmetinen de ketýge bel býyp otyr. Bul týraly VVS jazdy.
Dýblınde sóılegen Varadkar Fıne Gel kóshbasshysy qyzmetinen ketetinin naqtylady. Ol partııa jańa kóshbasshyny saılaǵanǵa deıin úkimetti basqara turady. Aıtýynsha, bul kóp ýaqytty qajet etpeýi kerek. Onyń pikirinshe, Pashadan soń aıaqtalatyn parlamenttik kanıkýldan keıin elge jańa premer-mınıstr keledi (31 naýryz) nemese qaıtken kúnde de, 16 sáýirge belgilengen partııa konferentsııasynyń bastalýyna deıin kelýi tıis.
Jańa premer-mınıstr ári Fıne Gel kóshbasshysynyń kelesi saılaýda jeńiske jetýi úshin bir jylǵa deıin ýaqyty bar.
Varadkar ázirge jeke, saıası jospary joq ekenin málimdedi.
Aıta ketý kerek, Varadkar 2017 jyly partııany da, úkimetti de basqaryp, Irlandııa Respýblıkasynyń tarıhyndaǵy eń jas premer-mınıstr atandy. Ol bul qyzmetti 2020 jylǵa deıin atqardy. Sodan keıin 2022 jyly qaıtadan premer-mınıstr boldy.
