Irlandııalyqtar júkti áıelderdiń ómirine qaýip tóndiretin aýrýdy anyqtaıtyn test oılap tapty
ASTANA. 9 shilde. QazAqparat - Irlandııalyq ǵalymdar júktiliktiń bastapqy kezinde ómirge qaýipti preeklampsııany anyqtaýǵa kómektesetin skrınıng-test oılap shyǵardy. Preeklampsııa bolashaq ananyń qan qysymyn kóteredi. Mundaı aýrý alǵashqy júktiliktiń 3 paıyzynda kezdesedi, dep jazady Meddaily.
Qazirgi ýaqytta dertti anyqtaıtyn tıimdi test joq. Onymen qosa, medıtsına qyzmetkerleri aýrýdyń aldyn alý joldaryn usyna almaı otyr. Al jańa test preeklampsııanyń belgilerin júktiliktiń 15-aptasynda anyqtaı alady.
Eger testiń tıimdiligi dáleldense, onda ony aldaǵy úsh jylda dárigerlerdiń arsenalyna qosa alady. Ázirge klınıkalyq zertteýler júrgizilýde. Olar 2016 jyly aıaqtalýy tıis.
Preeklampsııa kóp uryqty júktilikte , gıpertonııa, búırek, júrek, dıabet aýrýlarymen aýyrǵan, semizdikke shalynǵandarda jıi ushyrasady. Sondaı-aq, syrqattyń jasy 40-tan asqan analar úshin qaýpi bar.
