Irlandııalyq bıkesh ózinen aýmaıtyn syńaryn Shvetsııadan tapty
ASTANA. QazAqparat - Irlandııa turǵyny Shennon Lonergan taıaýda basynan qyzyq oqıǵany ótkerdi. TwinStrangers.com arnaıy saıtynan túri ózine qatty uqsas Sara Nordstremdi kórip qalǵan bıkesh, ony Shvetsııadan Dýblınge shaqyrdy, dep habarlaıdy Daily Mirror.
Al olar jolyqqan kezde, tipti ekeýiniń bir anadan týǵandaı uqsas ekendigi anyqtaldy. Sóıtip, 21 jastaǵy Lonergan men kámeletke tola qoımaǵan Nordstrem tabıǵattyń mundaı qupııa jumbaǵyna tań-tamasha qalysty. Shennonnyń aıtýynsha, olardyń muryndary, erinderi men kózderiniń qanshalyqty uqsas ekendigin sıpattap aıtýǵa sózi jetpeıdi, dep jazady 24.kz.
«Sara ekeýimizdiń, tipti kózqarasymyz ben júris-turysymyzǵa deıin birdeı», - deıdi ol. Tek olardyń minez-qylyqtarynda azdap aıyrmashylyqtyń bary anyqtalypty.
