Irlandııalyq Betmen kostıýminiń tolyq kóshirmesin jasady

ASTANA. QazAqparat - Irlandııalyq Djýlıan Cheklı (Julian Checkley) Batman oıynynyń sýper batyry Bemenniń kıiminiń tolyq kóshirmesin jasady. Kospleer kostıými Gınnestiń rekordtar kitabyna kirdi.

Ony tanystyrǵan rolık Guinness World Records arnasynda - YouTube-de jarııalandy.

Kostıýmde 23 túrli qurylǵy bar, olardyń ishinde jumys isteıtin tútindi shashkı, bet-sıýrıkender, ıtterdi ýltradybystyq úrkitkish, jarqanat túrinde magnıtti shamshyraq bar. Cheklı  kostıýmdi 3D-prınterinde basyp shyǵarǵanyn atap ótti.