Irlandııalyq boksshy Jánibek Álimhanulyn jekpe-jekke shaqyrdy
ASTANA. KAZINFORM — Irlandııalyq boksshy Aaron Makkenna (20-0, 10 KO) qazaqstandyq álem chempıony Jánibek Álimhanulymen (17-0, 12 KO) jekpe-jekke shyǵýǵa daıyn ekenin málimdedi.
Ózin orta salmaqtaǵy eń qarqyndy damyp kele jatqan juldyz dep ataıtyn 26 jastaǵy ırlandııalyq sportshy atalǵan usynysyn qazaqstandyqqa áleýmettik jelide jetkizdi.
— Biz 160 fýntqa deıingi salmaq dárejesindegi eń qaýipti eki jaýyngermiz, Jánibek Álimhanuly jáne men kez-kelgen adammen jekpe-jek ótkizýge daıynbyz. Sondyqtan bastaıyq, — dep jazdy Makkenna jáne bolashaq jekpe-jektiń gıpotetıkalyq posterin jarııalady.
We’re the two most avoided fighters at 160 @qazaqstyle and we’re the only two prepared to fight anyone 🥊 So let’s get it on 🔥 @Turki_alalshikh @ringmagazine pic.twitter.com/gYjKuayA8l
— Aaron McKenna (@Aaronmckenna99) August 21, 2025
Aıta ketsek, Jánibek Álimhanulynyń WBO jáne IBF nusqalary boıynsha orta salmaqtaǵy álem chempıony ataǵy bar. Al ırlandııalyq boksshy orta salmaqtaǵy WBO reıtınginde 13-orynda tursa, IBF reıtınginde 7-orynǵa jaıǵasqan.
Eske salsaq, budan buryn bokstan álem chempıony jáne Olımpıada júldegeri Sáken Bıbosynov Qyrǵyzstan astanasy Bishkek qalasynda ótken kásipqoı bokstaǵy alǵashqy jekpe-jegin sátti bastady.