Irlandııada paıdalanýshy týraly derekterdi bóliskeni úshin TikTok-qa aıyppul salyndy

ASTANA. KAZINFORM – Irlandııada Derekterdi qorǵaý jónindegi komıssııa (DPC) TikTok áleýmettik jelisine tıesili qytaılyq ByteDance kompanııasyna eýropalyq paıdalanýshylar týraly derekterdi Qytaıǵa zańsyz tasymaldaǵany úshin 530 mln eýro aıyppul saldy, dep habarlaıdy Kazinform agenttiginiń menshikti tilshisi.

Irlandııanyń Derekterdi qorǵaý jónindegi komıssııasynyń (DPC) málimdeýinshe https://www.politico.eu/article/tiktok-hit-with-e530m-privacy-fine-ireland-china-data/ , TikTok derekterdiń Qytaıdyń qadaǵalaý týraly zańdarymen qorǵalǵanyn qamtamasyz ete almaǵanyna kepildik bere almaýy sebebimen eýropalyq paıdalanýshylardyń derekterin Qytaıǵa jiberý arqyly EO-nyń derekterdi qorǵaý boıynsha negizgi erejelerin buzdy.

Retteýshi TikTok Qytaıdyń baqylaý týraly zańdarynyń eýropalyqtardyń derekterine áserin durys baǵalaı almaǵanyn málimdedi. Komıssııa sonymen qatar ByteDance kompanııasyna buzýshylyqtardy túzetýge alty aı ýaqyt berdi.

Irlandııa vedomstvosynyń málimetinshe, áleýmettik jeli eýropalyq TikTok paıdalanýshylary týraly derekterdi QHR bıligi oǵan qol jetkize alatyn Qytaıdaǵy serverlerde saqtaǵan. Bul – Eýropalyq Odaqtyń eýropalyqtar týraly aqparatty basqa elderdiń bıligine berýge tyıym salatyn qoldanystaǵy erejelerin buzý.

TikTok ókilderi retteýshiniń sheshimine shaǵymdanatynyn málimdep, Qytaı bıliginen eýropalyq azamattar týraly derekterge eshqashan suranys almaǵanyn jáne olarmen mundaı derekterdi eshqashan bólispegenin atap ótti.

Buǵan deıin TikTok búkil álem boıynsha qyzmetkerlerin jappaı jumystan shyǵaratyny týraly jazǵan bolatynbyz.