Irlandııada prezıdent saılaýy ótýde
ASTANA. 27 qazan. QazAqparat - Irlandııada saılaý ýchaskeleri ashylyp, halyq osymen eldiń toǵyzynshy prezıdentterin saılaıtyn bolady, dep habarlady bnews.kz saıty.
Irlandııa - parlamenttik respýblıka, sondyqtan memleket basshysy qyzmetiniń róli sonshalyqty joǵary emes, eldiń negizgi atqarýshylyq bıligi premer-mınıstrdiń qolynda. Soǵan qaramastan, ırlandııalyq prezıdent konstıtýtsııanyń kepili retinde úkimet nemese parlament ázirlegen kez kelgen zań jobasyn, eger ony zańǵa qaıshy dep tabatyn bolsa, qabyldamaı tastaý quqyǵyna ıe. Sonymen qatar tek prezıdent qana parlamentti taratyp jiberý týraly sheshim qabyldaı alady jáne Qarýly kúshterdiń bas qolbasshysy bolyp tabylady. Oǵan qosa prezıdent otstavkaǵa ketken, qaıtys bolǵan nemese qyzmetinen bosatylǵan jaǵdaıda jańa basshy saılanǵansha memleket basshysy mindetin quramyna Irlandııanyń bas sýdıasy, ókilder palatasynyń spıkeri men senat tóraǵasy kiretin Prezıdenttik keńes atqarady, dep habarlaıdy ITAR-TASS.
