Irlandııada PhD doktorantýrada oqyp jatyrmyn - Táýelsizdik qurdasy Azat Abdýllaev
ALMATY. 1 jeltoqsan. QazAqparat /Erlik Erjanuly/ - Zertteý jumystarym elimizdegi kenje ǵylym salasyn jetildirýdi kózdep otyr. Ony Irlandııanyń Dýblın ýnıversıtetiniń PhD doktorantýrasynda fızıka mamandyǵy boıynsha oqyp jatqan Azat Abdýllaev búgin Almatyda Elbasynyń qatysýymen ótken Qazaqstan ǵalymdarynyń forýmynda aıtty.
"Osydan 10 jyl buryn kezdeskenimde maǵan fızıka jáne matematıka ǵylymymen shuǵyldanýdy amanat etken edińiz. Sodan beri bul meniń ómirlik ustanymyma aınalyp keledi. 14 jasymda fızıka-matematıka gımnazııasyn bitirip, 18 jasymda ál-Farabı atyndaǵy Qazaq ulttyq ýnıversıtetin támamdadym. Búginde ózińiz bastaǵan "Bolashaq" baǵdarlamasynyń stıpendıatymyn", - dedi A. Abdýllaev. Eki jyldan beri ol Irlandııada PhD doktorantýrasynda oqyp jatyr. Optıkalyq kommýnıkatsııadaǵy lazerlar salasy boıynsha zertteýler júrgizip júrgen jas ǵalymnyń aıtýynsha, sheteldik zamandastary qaryshtap damyp kele jatqan Qazaqstannyń jetistikterine qyzyǵa qaraıdy. Ony Elbasy Nursultan Nazarbaevtyń esimimen baılanystyrady. Qazirgi tańda QR Prezıdentiniń eldiń erteńine baǵyttalǵan saıasatynyń arqasynda shet elderde 30 myńǵa jýyq jerlesterimiz bilim alýda. Onyń 3 myńnan astamy - bolashaqtyqtar.
