Irlandııada merziminen buryn jalpyhalyqtyq saılaý ótedi

ASTANA. KAZINFORM – Irlandııada merziminen buryn jalpyhalyqtyq saılaý ótedi, onyń qorytyndysy boıynsha Ókilder palatasynyń (parlamenttiń tómengi palatasy) jańa quramy saılanady, dep habarlaıdy TASS aqparat agenttigi. 

Barlyǵy 174 parlamenttik oryn bar. Bul 2020 jylǵy 30 qarashadaǵy aldyńǵy saılaýmen salystyrǵanda 14 orynǵa kóp. Óz kezeginde bul respýblıka halqynyń ósimin kórsetip otyr.

2023 jyly elde 5,26 mln halyq boldy. Saılaý okrýgteriniń sany da 39-dan 43-ke deıin kóbeıtildi. Olardyń árqaısysynda parlamentte úshten beske deıin ókil bolýy tıis. Parlamenttiń tómengi palatasyndaǵy oryndarǵa barlyǵy 685 kandıdat talasyp otyr.

Saılaý ýchaskeleri jergilikti ýaqyt boıynsha saǵat 07:00-de ashylyp, saǵat 22:00-ge deıin jumys isteıdi.

Daýystyń jartysynan kóbin alǵan saıası partııa úkimet qurý quqyǵyna ıe bolady. Alaıda, bul Irlandııanyń saıası tarıhynda 1977 jyldan beri bolǵan emes.

Buǵan deıin habarlaǵanymyzdaı, Abhazııada merziminen buryn prezıdent saılaýy 2025 jyldyń 15 aqpanyna belgilendi.