Irlandııada daýyldan keıin jaǵajaıdan ejelgi adam qańqasy tabyldy
ASTANA. QazAqparat - Ýeksford grafstvosynyń turǵyndary apta basynda tutas Irlandııany qamtyǵan «Ofelııa» daýylynan keıin jaǵajaıda serýendep júrip, adam qańqasynvń bólikterin taýyp aldy.
Bul jaıly beısenbi kúni Irish Times gazeti habarlady.
Jergilikti antropologtar tabylǵan súıekke saraptama jasap, olardyń temir dáýiri kezeńine - bizdiń e.d 4-5 ǵasyrlarǵa tıesili ekenin anyqtady.
Polıtsııa sarapshylar tobynyń qalǵan súıek bólshekterine izdeý jumystaryn júrgizýi úshin Forlorn poınt jaǵajaıynyń bóligin qorshaýǵa aldy.
Adam súıeginiń naqty qaı bóligi tabylǵany jaıly málimet jarııalanbaı otyr. Barlyq tabylǵan súıek bólshekteri aldaǵy ýaqytta saraptama jasalýy úshin Irlandııa ulttyq mýzeıine ótkiziledi. Atalǵan adam qańqasy - sol ýaqyttarda Irlandııany meken etken taıpalar ólgenderdi krematsııalaǵandyqtan sırek kezdesetin olja bolyp otyr.
