Irlandııada alǵash ret dońyz tumaýy tirkeldi
ASTANA. QazAqparat - Irlandııanyń Kork qalasynda bir adamnyń dońyz tumaýyna shaldyǵý deregi tirkeldi, dep habarlaıdy Rosbalt.
Kork qalasynyń ýnıversıtetindegi gospıtal qyzmetkerleri 1 naýqastyń H1N1 tumaý vırýsyn juqtyrǵany rastalǵanyn jáne taǵy birneshe adamnan osyǵan uqsas belgiler baıqalǵanyn habarlady. Búginde aýrýhana bólimderiniń birine karantın engizilip, emhanada adamdardy qabyldaýǵa shekteý qoıyldy, dep jazdy ITAR-TASS.
Dárigerler kúdikti belgilerdiń 7 naýqastan anyqtalǵanyn aıtady. Olardyń barlyǵy 1 bólmege ornalastyrylǵan. Jaqyn arada zerthanadan olardyń saraptama nátıjeleri jetkiziledi. A/H1N1 vırýs 2009 jyly naýryz aıynyń sońynda Meksıka, AQSh jáne Kanadada anyqtalǵan. sol jyldyń sáýir aıynda DDSU dońyz tumaýynyń indeti týraly habarlap, turǵyndarǵa jappaı vaktsınatsııa egýge sheshim qabyldaǵan. 2010 jyldyń tamyzynda pandemııanyń aıaqtalǵany jóninde málim etilgen. Іndetke 168 eldiń 220 myń turǵyny shaldyqty. DDSU derekteri boıynsha, álemde dońyz tumaýyn juqtyrǵan 18,5 myńǵa jýyq adam kóz jumǵan.
