Irlandııada 20 mıllıon eýroǵa tutas bir aýyl satylady
ASTANA. KAZINFORM — Irlandııada satylymǵa tutas bir aýyl — Village at Lyons qoıyldy. Ol Dýblın qalasyna jaqyn jerde Kılder graftyǵynda ornalasqan. Nysannyń quny — 20 mıllıon eýro, dep jazdy BILD.
Irlandııadaǵy Village at Lyons kesheniniń bolashaq ıesi tarıhı nysandar jıyntyǵyna ıe bolady. Onyń quramyna tas úıler, pab, shirkeý, sý dıirmeni jáne kanal mańyndaǵy aýmaq kiredi.
Buryn bul aýyl qaraýsyz qalǵan, alaıda 1990-jyldary Tonı Raıan basshylyǵymen qalpyna keltirgen. Qaıta jóndeý kezinde tarıhı kelbetin saqtaý basty nazarda bolǵan.
2016 jyldan beri nysan ınvestor Barrı O’Kallaganǵa tıesili bolyp, ol jerde Cliff at Lyons lıýks qonaqúıin ashqan.
Aıta keteıik, Village at Lyons tek jyljymaıtyn múlik retinde ǵana emes, sonymen birge qonaqúı bıznesine nemese jeke rezıdentsııa retinde paıdalanýǵa bolatyn daıyn tarıhı keshen retinde satylymǵa shyǵarylǵan.
Aıta keteıik, Meta kompanııasynyń negizin qalaýshy Mark Tsýkerberg pen onyń jubaıy Prıstsılla Chan Florıda shtatyndaǵy Indıan Krık jasandy aralynan 170 mıllıon dollarǵa záýlim úı satyp aldy. Bul tranzaktsııa Maıamı tarıhyndaǵy eń qymbat mámile boldy.
