Irlandııada 12-15 jasar jasóspirimderge vaktsına salyna bastaıdy

DÝBLIN. QazAqparat – Irlandııada kelesi aptadan bastap 12-15 jastaǵy jasóspirimder koronavırýsqa qarsy vaktsına alýy múmkin, dep habarlaıdy QazAqparat Skynews agenttigine silteme jasap.

Aıta keteıik, Irlandııa vaktsınatsııa qarqyny boıynsha Eýropada kósh bastap turǵan elder qatarynda. Munda halyqtyń 70%-dan astamy tolyǵymen vaktsınalansa, 84%-dan astamy ekpeniń bir dozasyn saldyrǵan.

Eldiń syrtqy ister mınıstri Saımon Kovnıdiń aıtýynsha, Irlandııa úkimeti qyrkúıek aıynyń birinshi jartysynda 12-15 jastaǵy jasóspirimderdi tolyǵymen vaktsınalaýdy josparlap otyr.

12-15 jastaǵy 250000 jasóspirimdi ımmýndaý kelesi aptada bastalyp, jańa oqý jylynyń basyna deıin aıaqtalady.

Premer-mınıstr Mıhol Martın aıtqandaı, demalys kúnderi alǵash ret 12-15 jastaǵy jasóspirimder vaktsınatsııasyn belsendi túrde júrgizý úshin ekpe ortalyqtary ashylady.

Elde koronavırýs juqtyrýdyń 294272 jaǵdaıy tirkeldi. Vırýstan 5026 adam kóz jumǵan.

Dúısenbiden bastap elde jabyq meıramhanalar jumysyn qaıta bastady.

Olar tolyq vaktsınatsııalanǵandardy nemese sońǵy alty aıda koronavırýspen aýyryp shyqqandardy ǵana qabyldaıdy.