Irlandııada jappaı narazylyqtan keıin janarmaı salyǵy 505 mıllıon eýroǵa azaıdy
ASTANA. KAZINFORM — Irlandııa úkimeti el aýmaǵynda jalǵasyp jatqan narazylyqtar aıasynda avtomobıl otynyna salynatyn salyqtardy 505 mıllıon eýrodan astam somaǵa tómendetetinin jarııalady. Bul sheshim týraly Irlandııa premer-mınıstri Mıhol Martın málimdedi, dep habarlaıdy Report.
Habarlamada aıtylǵandaı, málimdeme polıtsııa Golýeı jáne Foıns porttaryndaǵy, sondaı-aq O’Konnell-strıt (Dýblın qalasynyń ortalyǵy) kóshesindegi narazylyq aktsııalaryn taratqannan keıin birneshe saǵat ótken soń jasalǵan. Apta basynan beri bul jerlerde traktorlar men júk kólikteri qozǵalysty bógep turdy.
Sonymen qatar, bir kún buryn quqyq qorǵaý organdary áskerılerdiń qoldaýymen Ýaıtgeıt munaı óńdeý zaýyty (Kork graftyǵy) mańyndaǵy blokadany alyp tastaǵan. Bul — eldegi jalǵyz munaı óńdeý zaýyty.
Úkimet basshysynyń aıtýynsha, bul sharalar paketin narazylyqqa qatysýshylarǵa jasalǵan jeńildik retinde qarastyrýǵa bolmaıdy. Ol sheshim resmı tasymaldaýshylar men fermerler uıymdarymen birlesip qabyldanǵanyn atap ótti. Sondaı-aq bılik narazylyq tanytýshylardyń jetekshilerimen tikeleı kelissóz júrgizbeıtinin jetkizdi.
Sońǵy aptada bolǵan tártipsizdikter Irlandııadaǵy janarmaı jetkizý tizbegine aıtarlyqtaı zııan keltirgeni de atap ótildi.
Osyǵan deıin Aýstrııa men Italııa janarmaıǵa salyqty tómendetýdi josparlap otyrǵany týraly jazǵan bolatynbyz.
