Irlandııa jaǵalaýynda ustalǵan kemedegi kokaın quny 80 mln eýro
ASTANA. QazAqparat - Irlandııanyń ońtústik jaǵalaýynan 370 shaqyrym jerde Kork graftyǵynan «Makaıabella» atalatyn ıahta ustaldy. Onyń bortynda boljam boıynsha, úsh brıtandyq bolǵan.
Shaǵyn kemeniń ishinen 40 paketke salynǵan quny shamamen 80 mln. eýro bolatyn kokaın tabyldy. Esirtki saýdalaýshylardy ustaý sharasy Irlandııanyń áskerı teńiz kúshteri, keden qyzmeti jáne polıtsııanyń birlesýimen júrgizildi.
Quqyq qorǵaýshy organdardyń málimetteri boıynsha, esirtki Ońtústik Amerıkadan tasymaldanǵan, ony Eýropaǵa taratý kózdelgen.
