Irlandııa men Shotlandııa janartaýdyń saldarynan áýe keńistigin japty
ASTANA. Mamyrdyń 4-i. QazAqparat - Shotlandııa men Irlandııanyń áýe keńistigi janartaýdan kóterilgen kúl-tozańnyń saldarynan jartylaı jabyldy, dep habarlady Ulybrıtanııanyń Azamattyq avıatsııa basqarmasynan.
Naqtylanǵan málimetter boıynsha, Gebrıd araldarynyń ústimen ushýǵa tyıym salynyp otyr, al Belfast jáne Derrı qalalarynyń áýejaılary tolyq jabyq. Ulybrıtanııada tek ishki reıster toqtatyldy, al Eýropamen áýe qatysy toqtaǵan joq, dep habarlaıdy RBK agenttigi.
Sondaı-aq, janartaýdyń saldarynan áýe keńistigi jabylǵanyn Irlandııa da málim etti. Irlandııanyń Ryanair jáne Aer Lingus degen kompanııalary mamyrdyń 4-i kúni Ulybrıtanııa baǵytynda 200-ge jýyq reısti kidirtip otyr.
Sáýirdiń 14-inde Islandııada oıanǵan Eııafıallaıekıýl janartaýynyń saldarynan kóterilgen kúl Eýropadaǵy áýe qatynasyna kedergi bolǵanyn QazAqparat budan buryn habarlaǵan bolatyn. Bir apta kidiristiń saldarynan áýe kompanııalary 2 mıllıard dollarǵa jýyq shyǵynǵa batty.
