Irlandııa Qazaqstanmen ekonomıkalyq salada neǵurlym tyǵyz yntymaqtasqysy keledi - Elshi
qpannyń 11-i. QazAqparat /Ernur Aqanbaı/ - Irlandııa Qazaqstanmen ekonomıkalyq salada neǵurlym tyǵyz yntymaqtastyq ornatqysy keledi. Bul týraly búgin Aqordada QR Memlekettik hatshysy-Syrtqy ister mınıstri Qanat Saýdabaevqa senim gramotasyn tapsyrǵannan keıingi brıfıngte Irlandııanyń Qazaqstandaǵy Tótenshe jáne Ókiletti Elshisi qyzmetin qosa atqarýshy Fılıpp Makdona aıtty,
dep habarlaıdy QazAqparat.
«Qazaqstannyń Memlekettik hatshysymen óte jaqsy kezdesý boldy. Biz ekonomıkalyq jáne saıası máselelerdi talqyladyq. Bul salalardy bizderdiń birlesip jasaıtyn jumystarymyz áli de jetkilikti. Irlandııa keleshekte Qazaqstanmen ekonomıkalyq salada neǵurlym tyǵyz yntymaqtastyq ornatqysy keledi», dedi brıfıngte F. Makdona.
Onyń sózine qaraǵanda, Irlandııa sondaı-aq, Qazaqstanmen Eýropalyq odaq aıasynda da barynsha tyǵyz qarym-qatynas jasaýdy qalaıdy jáne eki jaqty baılanystardy da meılinshe tereńdetkisi keledi. «Qazaqstanda jumys istep jatqan ırlandııalyq kompanııalar kóp. Olardyń barlyǵy osyndaǵy bıznesteriniń óskenin qalaıdy», dedi Elshi.
