Irlandııa EO-dan ekonomıkalyq kómektiń 3,6 mlrd. eýro kóleminde alǵashqy transhyn aldy

Bul qarajat Eýropalyq qarjy turaqtylyǵy qorynan (EFSF) Dýblınge aýdaryldy, dep habarlaıdy Reuters agenttigi EFSF derek kózderine silteme jasap.

Alǵashqy transhtyń somasy bastapqyda josparlanǵan 3,3 mlrd. eýrodan asyp tústi. 2010 jyldyń sońynda EO men Halyqaralyq valıýtalyq qory (HVH) Irlandııaǵa 85 mlrd. eýro kóleminde tótenshe nesıe paketin berýge kelisim bergenin eske salyp ótemiz. Bul baǵdarlamadaǵy EFSF úlesi 17,7 mlrd. eýrony quraıdy. Ótken aıda Eýropalyq qarjy turaqtylyǵy qory 5 mlrd. eýro kóleminde qarjy tartyp, bes jyldyq oblıgatsııalardyń alǵashqy bóligin shyǵara bastady. Bul aqshanyń bir bóligi Dýblınge qarjylyq kómek kórsetýge ketti.