Irlandııa «ekonomıkalyq egemendigin» qaıtaryp aldy
ASTANA. 16 jeltoqsan. QazAqparat - Irlandııanyń Premer-mınıstri Enda Kennı eliniń halaqaralyq qarjylyq kómek baǵdarlamasynan shyqqandyǵyn resmı túrde málimdedi.
Qarashada ırlandııalyq bılik tarapy jetkilikti qarjylyq rezervti jasaqtaǵanyn alǵa tartyp, EO men HVQ-nyń nesıelik baǵdarlamasyn uzartýdy doǵarý týraly sheshim jasady.
Óz sózinde Kennı Irlandııanyń ekonomıkalyq egemendigi qalpyna kelgendigin aıtty.
Onyń aıtýynsha, 2010 jyly bıýdjettiń aýqymdy tapshylyǵy men bank salasyndaǵy daǵdarystan úkimet halyqaralyq kredıtorlardyń qoldaýyna júginýge májbúr boldy. Osynyń nátıjesinde elde memlekettik shyǵystardy tómendetý boıynsha qatań sharalar engizý týraly talapty oryndaýǵa ýáde bergen edi.
VVS-diń jazýynsha, úsh jyldyń ishinde Irlandııa 85 mıllıard eýro alǵan kórinedi, alaıda qazirgi kezde eldiń eksport kólemi artyp, JІÓ deńgeıi ósim berýde.
