Irkýtskide TMD-nyń Keden qyzmetteri basshylary keńesiniń kezekti otyrysy ótti
MINSK. 10 maýsym. QazAqparat /Aıtýar Mamlın/ - Beısenbi kúni Reseıdiń Irkýtsk qalasynda Táýelsiz Memleketter Dostastyǵyna qatysýshy elderdiń Keden qyzmetteri basshylary keńesiniń 53-shi otyrysy ótti.
Bul týraly TMD Atqarýshy komıtetiniń baspasóz qyzmetinen habarlady.
Keńes jumysyna Ázirbaıjan, Armenııa, Belarýs, Qazaqstan, Qyrǵyzstan, Moldova, Reseı, Tájikstan, Ózbekstan, Ýkraınanyń keden qyzmetteri men TMD Atqarýshy komıtetiniń delegatsııalary qatysty.
TMD Atqarýshy komıtetiniń tóraǵasy - TMD Atqarýshy hatshysy Sergeı Lebedev Dostastyqtyń 20 jyldyq tarıhyna toqtalyp, onyń basymdyqty yqpaldastyq baǵyttaryna nazar aýdardy jáne Keden qyzmeti basshylary keńesiniń osy iske qomaqty úles qosyp otyrǵanyn atap kórsetti.
Keńes barysynda Kedendik qyzmetterdiń baılanys jónindegi bólimderiniń 2015 jylǵa deıingi kezeńdegi ózara is-qımyldarynyń tujyrymdamasy talqylandy jáne Dostastyqtyń salalyq kórmesine «Keden qyzmeti» halyqaralyq kórmesiniń mártebesin berý týraly Reseı tarapynyń usynysyna qoldaý bildirildi. Basqa da máseleler qaralyp, olar boıynsha sheshimder qabyldandy.
Sondaı-aq Dostastyqtyń qurylýynyń 20 jyldyǵyna oraı marapattaý rásimi ótti. TMD-nyń keden qyzmetteriniń basshylary «Táýelsiz Memleketter Dostastyǵyna qatysýshy memleketterdiń kedendik yntymaqtastyǵyn nyǵaıtqany úshin» tósbelgilerimen marapattaldy.
