Irkýtskide kıim bazary órtenip ketti
ASTANA. Qyrkúıektiń 16-sy. QazAqparat - Ótken túni Irkýtskide kıim bazary órtenip ketti. Jalynnyń aýmaǵy 2 myń sharshy metrdi qurady.
Qaza tapqandar, sondaı-aq zardap shekkender bolmaǵanymen, materıaldyq shyǵyn kem degende myńdaǵan rýbldi quraǵan, dep habarlaıdy Ýtro. rý agenttigi.
Qutqarýshylar túni boıy tilsiz jaýmen alysqan. Órt tańǵy saǵat 05.00 degende toqtatyldy. Al mılıtsııa qyzmetkerleri ómirlerine qaýip turǵanyna qaramastan, óz zattaryn órtten alyp shyǵýǵa tyrysqan saýdagerlerdi toqtatqan. Órttiń sebep-saldary anyqtalyp jatyr.
