Irkýtskide dárigerler tsırk aıýynyń kóz burshaǵyn aýystyrady
ASTANA. QazAqparat - Irkýtskide mamandar tsırk aıýy Martanyń kózine erekshe ota jasaǵaly jatyr. Dárigerler tórt aıaqty ártiste katarakta aýrýy bar ekenin baıqaǵan, endi veterınarlar «kóz mıkrohırýrgııasy» mekemesiniń Irkýtsk fılıalyndaǵy jetekshi mamandarymen birge jyrtqyshtyń zaqymdanǵan kóz burshaǵyn aýystyrmaq nıette.
Marta kózindegi aqaýlyq bir jyl buryn anyqtalǵan. Alaıda birden ota jasaýǵa bolmady. Irkýtskidegi gastrolde jaǵdaı ýshyǵyp, dárigerler ota jasaýǵa bel býdy, dep habarlaıdy lifenews.ru.
Erekshe operatsııany medıtsına qyzmetkerleri tegin jasaýǵa kelisti. Mekeme dırektory Andreı Şýko mundaı jaǵdaımen buǵan deıin kezdespegenin aıtty.
«Hırýrg kataraktany alý ádisin tańdaýy tıis. Ýltradybystyq fakofragmentatsııany jasaý múmkin bolsa, jaqsy. Onyń ereksheligi, tigýdiń qajeti joq. Ýltradybyspen kózburshaq jarylyp, mıkrotesik arqyly jasandysy ornatylady» deıdi Andreı Şýko.
