Irkýtsk janynda 50 jolaýshy mingen avtobýs aýdaryldy
ASTANA. QazAqparat - Búgin, 24 qyrkúıekte jergilikti ýaqytpen 15:00-de polıtsııaǵa Irkýtsk oblysyndaǵy Zalarınsk aýdany aýmaǵynda Bratsk qalasynan Irkýtskige kele jatqan qalaralyq avtobýstyń apatqa ushyraǵandyǵy jaıly aqparat túsken.
Bul týraly óńirlik ІІM Bas basqarmasy baspasóz qyzmeti habarlady.
Aldyn ala boljamǵa qaraǵanda, Nissan Sunny júrgizýshisi rýlge ıe bola almaı, 50 jolaýshy mingen avtobýsqa soǵylǵan. Qatty soqqydan avtobýs joldan shyǵyp ketken. Al asa joǵary jyldamdyqtaǵy jeńil mashına keıin serpilgen kúıi sońynda osy baǵytpen kele jatqan Toyota Mark 2 vtomobıliniń ústine qulaǵan.
Anyqtalǵany, jeńil mashınanyń júrgizýshisi oqıǵa ornynda qaza tapty, jolaýshylar toly avtobýs aýdarylǵan. Ázirge qansha adamnyń zardap shekkeni belgisiz.
Oqıǵa ornynda polıtsııa jumys istep jatyr.
