Irkýtsk oblysyndaǵy alapat tasqyn: 3,3 myń úı sý astynda qaldy
MÁSKEÝ. QazAqparat - Irkýtsk oblysyndaǵy 55 eldi mekende 3,3 myń úı sý astynda qaldy, dep habarlaıdy «QazAqparat» HAA TASS agenttigine silteme jasap.
«1 shildedegi derek boıynsha alty aýdandaǵy 55 eldi mekende 3 296 úıdi sý basqan. Onda 9 809 adam turady, sonyń 2 681-i bala. Úılerden bólek, áleýmettik mańyzy bar 18 nysan, 3 525 aýla da sý astynda qalǵan», - dep málimdedi Irkýtsk oblystyq TJM baspasóz qyzmeti.
Vedomstvonyń habaryna qaraǵanda, tórt eldi meken syrtqy álemnen oqshaýlanyp qalǵan. Olarǵa azyq-túlik, dári-dármek jáne basqa da kerek-jaraqtar jetkizildi.
Sý tasqynynan avtomobıl júretin 13 kópir qırap, basty avtojoldarda qozǵalys shekteldi.
Apat saldaryn joıýǵa 1,4 myń adam jumyldyrylǵan.
