Irkýtsk oblysynda joǵalǵan Il-76 ushaǵynyń synyqtary tabyldy
ASTANA. QazAqparat - Irkýtsk oblysynda juma kúni tańerteń joǵalǵan Reseıdiń TJM Il-76 ushaǵynyń synyqtary jeksenbi kúni Kachýgskıı aýdanynda tabyldy, dep habarlady RIA Novostı.
«Tsentrospas» jasaǵynyń jerdegi qutqarýshylar toby Reseıdiń TJM-nyń qatty zaqymdanǵan Il-76 ushaǵyn buryn boljanǵan jerinen tapty.
«Máskeý ýaqytymen shamamen saǵat 02.00 Rybnyı Ýıan eldi mekeninen 4 shaqyrym jerde TJM-nyń joǵalǵan Il-76 ushaǵy tabyldy», - dep habarlady ushaqty izdeý boıynsha jedel shtab ókili. - Ushaq qatty qıraǵan».
Osyǵan deıin Il-76 ushaǵy ormandaǵy órtti sóndirý kezinde baılanysqa shyqpaı joǵalyp ketkeni habarlandy. Onymen ne bolǵany ázirge belgisiz. Reseıdiń TJM aqparatynsha, Il-76 ushaǵynyń bortynda on adam boldy.
