«Irına Qaıratovnanyń» qaıtys bolǵan mobılografynyń aldyn ala dıagnozy aıtyldy

Astana qalasynyń Qoǵamdyq densaýlyq saqtaý basqarmasy «Irına Qaıratovna» tobynyń mobılografy Jylqaıdar Shahnazdyń ólimine sebep bolǵan aldyn ala dıagnozdy jarııalady, dep habarlaıdy Kazinform.

«14 qazanda Jylqaıdar Shahnazdyń denesi sot-medıtsınalyq saraptama jumystaryn júrgizý úshin Sot saraptama ınstıtýtyna jetkizildi. Ólimniń aldyn ala sebebi — jedel gemorragııalyq pankreonekroz.

Ólimniń naqty sebebi toksıkologııalyq zertteý nátıjelerin alǵannan keıin belgili bolady. Zertteý jumystary eki aptaǵa deıin júrgiziledi», - delingen ákimdik málimetinde.

J.Shahnaz 21 jasta bolǵan. 

Eske salaıyq, «Irına Qaıratovna» toby 14 qazan kúni Astanada kontsert berdi. Onyń barysynda mobılograf Jylqaıdar Shahnaz es-tússiz qulap qaldy. Medıtsına mamandary onyń qaıtys bolǵanyn málimdegennen keıin kontsert toqtatyldy.

Belgili top elordada 15 qazanda ótýi tıis bolǵan kontserttiń de ótpeıtinin jarııalady.