«Irına Qaıratovna» tobynyń Astanadaǵy búgingi kontserti de ótpeıtin boldy
Ujymdaǵy mobılograftyń qaıtys bolýyna baılanysty «Irına Qaıratovna» tobynyń Astanadaǵy kontserti ótpeıtin boldy, dep habarlaıdy Kazinform.
Ártister mobılograf Shahnaz Jylqaıdarovtyń qurmetine Eýropaǵa týr jasamaqshy. 21 jastaǵy mobılograf keshe kontsert bastalardan birneshe mınýt buryn sahnada qulap qaıtys bolǵan edi.
Qaıǵyly oqıǵadan keıin kontsert bolmaı qaldy. Osylaısha kelesi kontsert búgin ótýi kerek bolǵan.
Óner ujymy ol sharanyń da ótpeıtinin habarlap otyr.
«Qurmetti dostar, «Irına Qaıratovna» tobynyń jankúıerleri! Astana qalasyndaǵy kontsertte mobılograf, 21 jastaǵy Shahnaz Jylqaıdarovtyń kenetten ómirden ozǵanyn qaıǵyra habarlaımyz. Osyǵan baılanysty Astanada 2023 jyldyń 14-15 qazanyna josparlanǵan kontsertter ótpeıdi. Shahnazdyń otbasy men týǵan-týystarynyń qaıǵysyna ortaqpyz, IK komandasy shyn júrekten Shahnazdyń otbasyna kóńil aıtady jáne barynsha qoldaý, kómek kórsetedi. Bizdiń tarapymyzdan bolǵan qolaısyzdyq úshin jankúıerlerimizden keshirim suraımyz. Aldaǵy Eýropaǵa týrymyzdy Shahnazdyń qurmetine ótkizgeli otyrmyz» delingen toptyń áleýmettik jelidegi paraqshasynda.
Ónerpaz jigitter marqumnyń ólimine ne sebep bolǵanyn naqty bilmeıtinin aıtyp, jigittiń jazym bolǵan sátin jelide taratpaýǵa shaqyrdy.
Aıta keteıik, keshe túnde Astanada «Irına Kaıratovna» tobynyń kontsertinde mobılograften kenetten qaıtys bolǵany habarlanǵan edi.
