Irına Bakaldına semserlesýden Azııa chempıonatynda altyn medal jeńip aldy
ASTANA. KAZINFORM – Irına Bakaldına semserlesýden Azııa chempıonatynda tarıhı altyn medal jeńip aldy, dep habarlaıdy QR TSM Sport jáne dene shynyqtyrý isteri komıteti Sportty damytý dırektsııasy.
Qurlyqtyq birinshiliktiń aqtyq synynda jerlesimiz Gonkong ókili Keılın Seni 15:12 esebimen tize búktirdi.
Aıta keteıik, bul júlde Qazaqstan áıelder arasyndaǵy jekeleı sapy saıysy tarıhyndaǵy alǵashqy altyn medal boldy.
Buǵan deıin qazaqstandyq sapy sheberleri Azııa chempıonatynda jekeleı synda júlde jeńip almaǵan edi.
Qazaqstandyq boksshylar Qytaıdyń Gýııan qalasynda ótken álem kýbogynda 5 altyn aldy.
