Irıkla sý qoımasynan Jaıyqqa sekýndyna 447 tekshe metr sý jiberilip jatyr
ORAL. KAZINFORM — Batys Qazaqstan oblysynda «Qazsýshar» RMK-nyń sý qoımalary 77,3 paıyzǵa tolyp, 391,7 mln tekshe metr sý jınaldy.
«Qazsýshar» RMK Batys Qazaqstan fılıalynan málim etkenindeı, Reseı Federatsııasynyń Orynbor jáne Saratov oblystaryndaǵy sý sharýashylyǵy qyzmetterimen kún saıyn aqparat almasylýda.
Reseılikterdiń málimetine qaraǵanda, Saratov oblysyndaǵy Prıýzen sý qoımasynan Qaraózenge sekýndyna 23 tekshe metr sý jiberilýde. Qazirgi tańda Qaraózen men Saryózenge 400 mln astam tekshe metr sý alyndy.
«Oral qalasynda Shaǵan sý qoımasynda sý deńgeıi 29,60 metrdi kórsetip tur. Tasqyn sý ımarat arqyly erkin ótip, Jaıyq ózenine quıylýda. Al Orynbor oblysynda ornalasqan Irıkla sý qoımasynan Jaıyq ózenine sekýndyna 447 tekshe metr sý bosatylýda. Jaıyqtyń Oral qalasy tusyndaǵy deńgeıi búgin saǵat 08.00-de 743 santımetrge jetti (táýliktik ósim – 7 sm, qaýipti deńgeı – 850 sm). Oblystyń bas ózeninen Jaıyq-Kóshim júıesine sekýndyna 107 tekshe metr sý túsýde. Fılıaldyń sý sharýashylyǵy nysandarynda jaǵdaı turaqty», - dep habarlady vedomstvodan.
Eske sala keteıik, budan buryn Oralda zoobaqtaǵy janýarlar men qustardyń qaýipsiz jerge kóshirilgenin jazǵan bolatynbyz.
