Іri jol apatyn jasaǵan júk kóliginiń júrgizýshisi tutqynǵa alyndy
ASTANA. 1 qazan. QazAqparat - - Budan buryn habarlanǵandaı, ótken senbi kúni Almatyda iri jol apaty oryn alǵan bolǵan. Shyǵys aınalma jolymen soltústik baǵytqa qaraı ketip bara jatqan «Dong Feng Citroen ED» júk kóligi Glýbokaıa kóshesiniń qıylysynda «Toıota Kamrı Gratsııa» mashınasyna soqtyǵysty,
dep habarlady qalalyq ІІD baspasóz qyzmetinen.
«Degenmen júk kóligi qozǵalysyn odan ary jalǵastyrǵan. Hallıýlın kóshesinen soltústikke qaraı, «Otaý» bazaryna qarsy jolda ol «Mıtsýbısı Speıs Vagon» jáne «Daımler Kraısler E 280» kólikterimen soqtysqan. Odan keıin júk kóligi joldy bólip turǵan tosqaýyldy buzyp ótip, joldyń qarsy betine shyǵyp, jıekte turǵan 8 avtomobıldi soqqan. Kólik apaty kezinde «Mersedes Bents 180» avtomobıli jol ústine shyǵyp ketip, ońtústik baǵytqa qaraı júrip kele jatqan «Nısan Patrol»-men jáne «VAZ-2106» kóligimen qaqtyǵysqan. Osy sumdyq apat kezinde 2 adam qaza tapty. Olar «Sýbarý Impreza» mashınasynyń 60 jastaǵy jáne «Mersedes Bents 190» kóliginiń 25 jastaǵy júrgizýshileri. Olardyń kólikteri apat kezinde jol jıeginde turǵan. Qalǵan kólikterdiń júrgizýshileri zardap sheken joq. Abyroı bolǵanda olar jol apaty kezinde kólikterinde bolǵan joq edi», - dedi Almaty qalalyq ІІD baspasóz qyzmetiniń bastyǵy Saltanat Ázirbek.
«Dong Feng Citroen ED» júk kóligin Talǵar qalasynyń 30 jastaǵy turǵyny basqaryp kele jatqan. Atalǵan azamattyń aıtýynsha, tejegishtiń tosynnan isten shyǵýyna baılanysty kólikti birden toqtata almaǵan. Jol apatynyń naqty sebep-saldary tergeý jáne saraptama sharalary júrgizilgennen keıin anyqtalady.
«Dál osy kúni Almaty qalalyq ІІD Tergeý basqarmasymen QR QK 296 baby 3 bóliminede qarastyrylǵan qylmystyq belgiler boıynsha qylmystyq is qozǵaldy. Júk kóliginiń júrgizýshisi ýaqytsha oqshaýlaý abaqtysyna qamaldy», - dedi S.Ázirbek.
