Іri túrkitanýshy ǵalymdardyń biri Altaı Amanjolov dúnıeden ozdy
ASTANA. 9 qazan. QazAqparat - Otandyq ǵylym salasy orny tolmas qazaǵa ushyrady. Keshe iri til mamany, fılologııa ǵylymdarynyń doktory, professor Altaı Amanjolov baqılyq boldy.
Bul týraly «Ekspress K» gazeti jazdy (avtory Іlııas Omarov, «Master tıýrkskogo slova» maqalasy).
Altaı Sársenuly Amanjolov 1934 jyldyń 2 maýsymynda Almaty qalasynda dúnıege keldi. Onyń ákesi, otandyq til biliminiń negizin quraýshy Sársen Amanjolovtyń esimi árbir qazaqstandyqqa belgili.
1952 jyly Altaı Amanjolov MGÝ-diń fılologııa fakýltetiniń Shyǵys bólimine oqýǵa túsip, ony támamdaǵan soń 1957 jyly Qazaq KSO Ǵylym akademııasy júıesiniń jumysyna kiristi. 1963 jyly kóne túrki jazý eskertkishteriniń tiline arnalǵan kandıdattyq dıssertatsııany, al 1975 jyly - «Kóne túrki jazýynyń tarıhy boıynsha meterıaldar men zertteýler» atty doktorlyq dıssertatsııasyn qorǵady, ol onyń ǵylymı eńbegi men kópjylǵy izdenisteriniń nátıjesi bolyp tabylady.
1979 jyldan beri Altaı Amanjolovtyń eńbek joly Ál-Farabı atyndaǵy Qazaq ulttyq ýnıversıtetimen baılanysty, munda ol «Túrki fılologııasyna kirispe», «Kóne túrki tili», «Túrki tilderiniń salystyrmaly grammatıkasy», «Jalpy til bilimi», «Grafıkalyq lıngvıstıka» sııaqty birqatar teorııalyq kýrstardy jasaqtap, dáris bergen. Olardy zamanaýı ǵylymı problematıka, mazmundamanyń aıqyndylyǵy men senimdi argýmentteý erekshelendirýde.
Shetelde jarııalanǵan kóptegen jumystardyń avtory Altaı Sársenuly búkil álemniń túrkitanýshylarynyń arasynda keńinen tanymal boldy. Onyń Qytaı jáne Túrkııada basylyp shyqqan «Babalar sózi» jáne «Jalpy asyl mura» týyndylary árbir túrkitanýshynyń kúndelikti qoldanatyn kitaptary bolyp tabylady.
