Іri temirjol apaty - Polshada eki jolaýshy poıyzy soqtyǵysty, zardap shekkender bar
ASTANA.. Shildeniń 13-i. QazAqparat - Búgin Polshada iri temir jol apaty boldy. Eldiń Slýpska aýdanyndaǵy Korbızı temirjol stansasynda eki jolaýshylar poıyzy soqtyǵysty, dep habarlaıdy RBK.
Polshanyń TVP telearnasynyń habarlaýynsha, jol apaty saldarynan 25 adam zardap shegip, onyń ishindegi 5-eýi aýyr halde aýrýhanaǵa jetkizilgen. Oqıǵadan týyndaǵan dúrbeleń saldarynan biraz adamdardyń artyq jaraqattar alýy da múmkin, óıtkeni stansaǵa jaqyndap kele jatqan poıyzdyń jyldamdyǵy óte tómen bolǵan.
Oqıǵa ornynda Polsha jedel qyzmetiniń ókilderi jumys istep jatyr. Qutqarý sharalary jalǵasýda. Oqıǵa sebebi anyqtalý ústinde.
Resmı emes málimetke súıensek, apat jol burýshynyń qateligi men temirjol jabdyǵynyń buzylýynan bolyp otyr.
Esterińizge sala keteıik, aqpannyń 15-inde Brıýssel janynda eki jolaýshy poıyzynyń bir-birine qarsy kele jatyp, soǵylýynan sońǵy jarty ǵasyrdaǵy eń iri temirjol apaty oryn alǵan edi. Ol kezde 18 adam qaza taýyp, 170-i túrli dene jaraqattaryn aldy.
