Іri tabıǵat paıdalanýshylar tabıǵatty qorǵaý is-sharalaryna 139 mlrd. teńge bóldi - Qorshaǵan ortany qorǵaý mınıstrligi
ASTANA. Qarashanyń 20-sy. QazAqparat /Jasulan Amanbaıuly/ - Іri tabıǵat paıdalanýshylar tabıǵatty qorǵaý is-sharalaryna bıyl 139 mlrd. teńge bólip otyr. Bul týraly búgin Qorshaǵan ortany qorǵaý mınıstrliginde ótkizilgen alqa májilisinde ekologııalyq retteý jáne baqylaý komıtetiniń tóraǵasy Saǵynbek Mutashev málim etti,
dep habarlaıdy QazAqparat.
2007 jyldan bastap kúshine engen QR ekologııalyq kodeks talaptaryn júzege asyrý nátıjesinde ár ónerkásip oryndarynyń óz qarjysy esebinen tabıǵat qorǵaý is-sharalary qarjylandyrylady.
«Barlyq emıssııanyń 80 paıyz úlesine ıe 43 iri tabıǵat paıdalanýshylar tabıǵatty qorǵaý is-sharalaryna 139 mlrd. teńge bóldi. 2007 jylmen salystyrǵanda 2009 jyly tastandy lastaǵysh zattardyń kólemi 290 myń tonnaǵa azaıdy», deıdi ol.
Departament basshysynyń keltirgen málimetterine qaraǵanda, ónerkásip oryndary qarjyny el ekologııasy múddesine ıgerýge selqostyq tanytýda. Atalmysh qarjy tek 60-70 paıyzǵa ǵana maqsatty jumsalǵan.
