Іri sý qoımalarynyń barlyǵy birdeı kóktemgi tasqyn sýlarǵa tótep bere almaıdy - ІІM
ASTANA. QazAqparat - QR Іshki ister mınıstri Qalmuhanbet Qasymov Úkimet otyrysynda iri sý qoımalarynyń barlyǵy birdeı kóktemgi tasqyn sýlarǵa tótep bere almaıtynyn málim etti, dep habarlaıdy QazAqparat.
Mınıstrdiń aıtýynsha, qyzyl sý kelgen kezde sý qoımalarynda bos oryn qamtamasyz etilýi tıis. Onsyz ózenderdegi qaýipsiz deńgeıdi saqtap turý múmkin emes, deıdi ol.
«Byltyr Aqmola, Qaraǵandy jáne Soltústik Qazaqstan oblystaryndaǵy sý qoımalarynda bos oryn bolǵandyqtan, ózen mańyndaǵy eldi mekenderdi tasqyn sý basa almady. Búginde iri sý qoımalarynyń barlyǵy birdeı tasqyn sýlardy tolassyz qabyldaýǵa daıyn emes», - dep atap ótti Qasymov.
Mınıstrdiń aıtýynsha, qazirdiń ózinde Shyǵys Qazaqstan oblysyndaǵy Buqtyrma sý qoımasy 85 paıyzǵa, Óskemen sý qoımasy 97 paıyzǵa, Shúlbi 86 paıyzǵa toly. Qaraǵandy oblysyndaǵy Keńgir sý qoımasy 84 paıyzǵa, Fedorov sý qoımasy 97 paıyzǵa, Samarqand 75 paıyzǵa tolysqan.
